三月份我記錄龍寶寶成長的點滴

2012.3.26今日上網見到懷孕日記重磅出擊， 那誘人的幣幣和豐富的獎品當然令我好心動， 既能賺分又能記錄BB的點滴， 我當然不會手軟拉， 以樂扣套裝為終極目標， 會不斷努力拉

離預產期還有三個月零一日， 現在是27W+2D， 其實三個月是一個幾漫長噶時期， 但我卻希望時間過得慢D， 再慢D， 因為依家自己湊住一個已經好辛苦拉~我真是唔敢想像生多個出黎會是幾甘手忙腳亂， 話哂依家我每日起身仲可以同囡囡去逛下市場， 行下公園仔， 我覺得非常享受依家甘噶生活， 龍B啊龍B， 你千奇無提早甘多到來啊~哈哈（甘講覺得自己衰衰甘）。

懷孕期間每天都有很多變化

感覺依個BB無阿囡果時甘百厭， 胎動噶時候溫柔好多， 之前阿囡是可以摸到一舊類似手仔甘噶， 唔知道是米因為孕周仲未是後期呢？依家食飽飯， 同埋訓糸床度胎動是最明顯的， 特別是訓覺， 稍有訓得唔舒服個B就強烈抗議拉， 哈哈~每晚距一鬱我就會摸住距訓， 感覺好溫馨啊！

依兩日又同BB的爸爸冷戰了， 心情不好~已經有兩日無講過野拉， 算拉~唔講距拉~講起距又會唔高興， 費事影響BB~

2012.3.27 一早就來更新拉， 琴晚十一點幾傾傾下q就訓著佐了， 一覺訓到六點真舒服， 不過成晚發夢， 睡眠品質好差， 都幾煩人的… 上兩晚都有失眠的現象， 可能同訓佐宴覺有關， 所以真是要堅決唔訓晏覺先得。

加上依家訓覺一來要睇住下個大的， 二來又要注意訓覺姿勢， 平訓又唔得， 側訓又怕壓住細bb,真是好鬱悶吖， 有時一覺訓醒就特別留意胎動， 好怕因為我一時爛訓搞到壓親距。

2012.3.28 準備踏入27周了， 睡眠品質也越來越差， 加上近排唔知是米燥熱， 琴晚發了一個好長好長的夢， 夢裡我回到讀書時期， 沒有bb的顧慮， 我又跑又跳的， 超輕鬆吖… 一覺醒來， 已是九點多了， 摸摸肚子， bb還在， 哈哈， 覺得自己真是超搞笑吖。 依家每朝訓醒都覺得細bb鬱得特別犀利， 所以每朝起身唔是穩野食頂住下就是要衝杯奶飲下， 反正食量比以前增加了不少， 體重也由原來的106增加到120了， 睇來要控制下先得。

2012.3.29 近兩日台電腦罷工了， 搞到好唔方便， 每次更新都要系手機慢慢打字，

浪費佐我唔少時間， 加上有時想上傳下圖片都唔得。 回憶反剛有龍B的時候， 確實比較意外， 因為當時囡囡先歲三左右， 一直都無諗過甘快要的， 我最後一次yj是9月20日， 到10.25日左右見仲未到， 有d心驚驚了（因為我一向都幾准下的， 有提早無推遲果只）， 於是就買佐驗棒驗， 第一日驗， 一條線， 第二日唔放心， 買佐成十支， 諗住慢慢驗， 點知第二支就雙線。

2012.3.30 老公做緊野， 聽到我電話一d都無感覺到意外， 仲好開心甘先， 原來距的心諗住有仔趁嫩生… 孕早期 到十月尾去醫院確認， 真是中佐獎， 其實講真吖， 開初真是有唔開心， 因為覺得壓力都幾大， 要考慮的問題都幾多的， 如果第二胎唔是仔， 屋企人會點睇呢？系老公的堅持下，

心理方面我都是捱過來了。 開始會成日諗住， 但隨住阿b越來越大， 個心漸漸放開。 生理上除佐m無來基本無乜變化， 個幾月開始討厭。

2012.3.31今日特燈坐車去婦幼聽課， 去到都成10點幾拉， 超多人， 基本上個大會議廳是坐無虛席的， 可見依家D准媽媽學習意識仲是好重視的， 還有很多准爸爸都一齊聽課呢， 我是哪個羡慕呢， 因為從一胎到依家二胎， LG都未陪我上過一節孕婦學習班， 如果我要上都是要自己坐車出去上的。

小編總結：在懷孕期間日子好像過得很慢， 但其實當你習慣寫懷孕日記的時候你就會發現日子其實過得很快， 所以各位准媽媽想日子過得輕鬆有愉快就趕緊開始寫懷孕日記。